Sobanukirwa neza n’Igifu ndetse n’uburwayi bwacyo , n’icyo wakora

Indwara y’igifu n’imwe mu ndwara zibabaza abazirwaye , hari imiti imwe n’imwe ikoreshwa n’ukirwaye .  ibyishimo.com turaganira na Muganga Birahira Williams ukorera kuri Polyclinique de l’Etoile hafi ya Kiliziya y’umuryango mutagatifu ( Saint Famille ) mu mujyi wa Kigali atuganiriza k’uburyo umuntu umuntu yakoresha ngo amererwe neza mu gihe akirwaye ndetse muramenya byinshi kuri iyi ndwara .

IGIFU NIKI ?

Ni agafuka kabikwamo ibyo umuntu yariye mu gihe bikigogorwa, kaba hagati y’ umuhogo n’amara. Ni muri ko ibyo kurya bigogorerwa, mbere yo kujya kunogerezwa mu mara; ako gafuka gahagaze kaba mu gice cy igihimba mu ruhande rw’ ibumoso aharinganiye n’ imbavu zo hasi, hafi yo muri mugabuzi, munsi y’ umwijima na diaphragme ( agahu kagabanya inyama zo mu gituza n’izo mu nda hasi), cyicaye hejuru y urura runini ku gice cyarwo giheruka n’icyo hagati.

Igisa n’ umubande wacyo ureba I bumoso utwikiriye na diaphragme I bumoso. Umwobo wacyo wo hasi ufite utunyama twifunga tukifungura iyo ibyo kurya birangije kukigogorerwamo, bigahita bikomeza mu mara mato. Ahangana I bumoso hejuru, hari ya diaphragme igitandukanya n’ umutima ari nayo mpamvu iyo cyifoye cyane kubw’ ibikirimo byinshi bishobora kubangamira imikorere iboneye y’ umutima. Ahagana hasi werekera imbere hazamuka hasa n’ ahegereye umwijima n’ uruhu rw’ inda ku mugongo wacyo ahagana hasi kikegera urwagashya.

Inyama yacyo ( uruhu rwacyo) igizwe n’ utunyama dutatu tugerekeranye. Ak’ imbere niko kavubura ururenda ruhora rutwikiriye igifu nka varini, rukirinda kwangirizwa na za acides z’ imisemburo iba mu gifu.

Iyo igifu cyuzuye ibyo kurya bihuriramo n’ imisemburo. Muri iyo twavugamo nka acide chlorydrique, pepsine, presure. Iyo misemburo ni ingirakamaro cyane. Presure itunganya amata naho lipase ishinzwe gutunganya ibinure. Uko ibiribwa bigenda bisebwa ni nako bigenda bisukwa mu rura ruto, binyuze mu mwenge wo hasi w’ igifu. Iyo ibyo kurya twariye bifite igihu gikomeye urwo ruhu rwabyo rucagagurwa n’ imisemburo yo mu gifu, n’ibikomeye bidashobora kunyura muri pylore ( ni ukuvuga ka kenge ko hasi k’ igifu), bikaba ngombwa ko bikurwa mu gifu umuntu agombye kubiruka, kuko bidashobora kuguma mo igihe cyose, kikabyikiza kibinyujije hejuru.

INDWARA Z’ IGIFU

    Igifu kirangwa no kubyimba icyuka mu gifu, gutura imibi myinshi ugasuragura mu nda byigorora kuko igifu kizigama umwuka mwinshi.

Ibimera wakoresha: imbuto za Fenuye ; baziliki , ikinetenete , pilipili- manga , umwenya.

    Igifu kirangwa no kwokera mu kameme, ariho hitwa umunwa w’ igifu: aho igifu gihuriye n’ umugongo. Ibyo biterwa nuko acide yo mu gifu yabaye nyinshi noneho ikareka kuguma mu gifu, maze kubwo kwiyongera kwayo ikazamuka mu muhogo, igatangira kuryana.

Ibimera wakoresha: karoti, indimu, ubugari bw’ imyumbati, ibihaza, kunywa isharankima yo ku rutare, igihaza.

    Iyo igifu cyakiriye ibiryo kivubura ibigifasha gusya ibiryo. Kubura imvuburwa ihagiije mu gifu bituma ibyo kurya bitanoga uko bikwiriye, bigatera imisonga no kumva igifu cyose gitonekara kandi bikaremera, amara akaziba bigatera gutumba no gusura kenshi. Kuri benshi bitera amaraso akennye.

Ibimera wakoresha: kunywa umuberanya; inanasi; igisengosengo kinini, igihwarara, gangabukari, umwenya uranda banywamo icyayi, pilipili-manga.

    Igifu cy’ ikinyantege nke kidashobora kunoza vuba, n’iyo kigerageje nyiracyo aba aribwa cyane ( dyspepsie). Ukirwaye yumva asa n’ uwikoreye umutwaro cyangwa akaribwa mu gifu, kugira umwuka mwinshi mu nda, umuriro waka mu gifu, ikirungurira biherekejwe no gutura imibi myinshi, amangati no gusuragura kenshi.

Ibyo bigakunda kubaho urangije kurya. Icyo gifu bita dyspepsia n’ imikorere mibi yaba iy’ igifu, inzira z’ impindura n’amara. Bishobora guterwa n’ impamvu nyinshi: impamvu ikomotse ku mirire, ku mikorere y’ ingingo z’ umubiri cyangwa ubwonko, bishobora no gukomoka ku myanya runaka y’ umubiri nk’ ibisebe byo mu gifu bita stenose, n’ izindi mpamvu zikomeye. Impamvu zimwe z’ imirire mibi nizo ntandaro y’ iyo ndwara: guhekenya ntunoze, kurya ukarenza urugero cyangwa amoko menshi y’ ibiryo ibirimo uburozi ( nk’ itabi, inzoga, ikawa) kurya urakaye.

Ibimera wakoresha: kunywa kazingashya; Luzerne; igisura; camomille; fenouil; umwenya; umuberanya; igisengosengo kinini; igihwarara; ishikashike ibumbye; umuhengeri wa kizungu wok u rugo; umwenya uranda banywamo icyayi; nkulinyonga; igikakarubamba; kenkina.

    Descente d’ estomac : ubu burwayi bakunda kubwita: hypotonie ou ptose gastrique. Kirangwa nuko igifu kibyimbagirana bitewe n’ ibyo kurya birengeje cyangwa gukora ntikirangize umurimo wo kumara ibyo kurya muri cyo. Iyo ndwara iyo yafashe umuntu,  indiba y’ igifu yigira hasi. Ni indwara ikunze kwibasira abagore bakunze kugira imbyaro nyinsho cyangwa bakunze kwambara corset ( ni akambaro gahambiriye cyane gafata amabere n’ amayunguyungu kakamanuka kagahambira n’ imyanya ndangagitsina nkaho ari ikariso).

Mu by’ ukuri iyo indwara ni ukwiregura kw’ igifu. Ibimenyetso byayo ni imivurungano igaragazwa n’ igogora ritinda cyane, flatulences, kubyimbagana inda, guhondobera. Abyirwaye bakunze guhora bababaye ( anxieux), bagakunda gutinya kurya, bakabura irari ryo kurya, bakananuka kandi ntibagire imbaraga z’ umubiri.

Ibimera wakoresha: umwenya; igisengosengo kinini; gangabukari.

    Kurukabitewe nuko imihore y’ igifu cyabo ikunda kwikanya bitunguranye. Uhorana impagarara zo mu mara no guciragura. Ariko mbere yo kukivura ubanza kwisuzumisha ukamenya neza impamvu zabyo. Ibimera wakoresha: umuhengeri; icyayi; ikigwarara; umwenya.

    Igifu kirya umuntu iyo atamerewe neza mu ntekerezo: icyo gifu giterwa n’ intekerezo zitaguwe neza, zibuza igifu gukora neza. Umuganga mukuru witwa Pavlov yavuze ko gusuzuma igifu neza ari ukugihera mu bwonko , kuko ibifu byinshi birwaye byazanywe n’ intekerezo zitaguwe neza. ibimera wakoresha: igiti cy’ ironji, isagara y’ ikigabo, baziliki, ikinetenete, umwenya, ikigwarara.

    Uburwayi bukwiye kwitonderwa cyane, uburwaye akihutira kwisuzumisha kwa muganga. Ukirwaye arangwa no kuruka amaraso bakunda kugaragaza kunanuka, isereri kenshi, ibyo biterwa n’ ibisebe biba mu gifu cyangwa mu mugongo.

Ibimera wakoresha : ngingonjana , igorogonzo.

    Igifu kiryana gikoresha kubabira nk’ikirimo urusenda ( gastrite). Akenshi giterwa n’ imyanda iva mu itabi, mu nzoga, mu ikawa cyangwa ibinini bya aspirine ibyo kurya bishyushye cyane, ibikonje cyane, kutanoza ibyo kurya neza bitewe n’amenyo atameze neza cyangwa se kurya vuba vuba. Iyi ndwara ishobora guterwa n’ ubundi bwandure runaka nk’umwijima runaka wa hepatite hamwe na grippe.

Ibimera wakoresha: karoti, igihuranda , akamenampyishyi, amavuta y’ Elayo, baraza, ubugari bw’ imyumbati, kalindura, avoka. Kuvura iki gifu bisaba ibyo kurya byoroshye bivanzemo ibibisi ugatapfuna witonze.

    Indwara y’ igifu irangwa no kugabanuka kw’ imyanaya y’ igifu kikuma kikananuka, imitsi ikaba mito, nacyo ubwacyo kikaba gito cyane, bikagitera kwizinga, kikajya gitera nyiracyo kwiikanga no kwikubita hasi gitunguro, kigakunda guterwa no kubura indurwe ihagije cyangwa kubana n’ ibitakuguye neza (gastrite chronique).

Ibimera wakoresha: uburabyo bw’ umuberanya, inanasi, amata y’ igiti cy’ ipapayi; gangabukari, igihehaheha, umuhanga.

    Igifu kirangwa n’ ibisebebiryana buryane biboneka mu ntango y’ igifu ahagana mu  irembo rigana mu mara. Biterwa n’ imbaraga akarandaryi ko mu gifu kagenda gatakaza ubutaraga bw’ ako bukagabanuka, igifu  kigatangira kugabanuka. Hari n’ igihe iyi ndwara ishobora kuzanwa na acide nyinshi ya chlorhydrique imwe  yo mu gifu. Ibyo bishobora guterwa n’ imyanda ya micro-organismes yibumbira ku  rugingo ikangiza igifu.

Ibimera wakoresha: umutobe wa karoti, amashu na Roza itukura bibisi; Luzerne, ubugari bw’ imyumbati, kalindura.


IBYISHIMO.com

Related Posts by Categories