Ubusanzwe urugingo urwo ari rwo rwose rw'umubiri ruhura n'ikibazo cyo kurwara cancer igihe uteremangingo [cellules] turugize dutangiye kwiyongera ku buryo budasanzwe bikaviramo umubiri kutabasha kuzuza inshingano zawo kuko umumaro rwa rugingo rwakoraga uba utagikorwa, no kuri cancer ifata amagufa naho nuko bigenda ntaho bitandukaniye n'ahandi.
Onlymyhealth itangaza ko Indwara ya cancer ifata amagufa ishobora kwibasira amagufa yose y'umubiri uko ari 208 ariko bitari ku rugero rumwe kuko abarwayi bayo ukunze gusanga amagufa agize ibitugu yibasiwe kurusha andi asigaye.Ngo biragoye kumenya gusuzuma neza ukemeza ko umuntu arwaye cancer ifata amagufa niy o mpamvu bigomba gukoranwa ubushishozi bukomeye hitawe ku bimenyetso. Ngo umuntu rero ufite cancer y'amagufa ifata ayo mu ntugu ashobora kugaragaza ibimenyetso bikurikira :
- Kugira umunaniro no gucika intege : Iki cyo gishobora guhurirwaho n'abarwayi benshi ba cancer hatitawe ku bwoko ubu n'ubu bwayo,
- Kugira uburibwe : Ubusanzwe kuribwa ntabwo ari ikimenyetso cyiza kuko umuntu akigira iyo cancer yamaze gukwirakwira umubiri igatangira gukanda cyangwa gutsikamira imyakura y'ubwonko.
- Guhinda umuriro mwinshi : Igihe umuntu afite umuriro utari muke atazi icyawumuteye ashobora gukeka ko biturutse kuri ya cancer ifata amagufa.
- Gutakaza ibiro : Igihe umuntu arimo gutakaza ibiro ku buryo budasobanutse yagombye gutekeza byihuse ku ndwara ya cancer y'amagufa nubwo atari yo yonyine ishobora kubitera.
- Kumererwa nabi mu nda : cancer y'amagufa kandi ishobora kurangwa no gucibwamo [diarrhea], kwituma impatwe no kubona uturaso twazanye n'umwanda.
- Kuvunika igufa mu buryo bworoshye : Igihe ukoze impanuka idakanganye ikakuviramo kuvunika igufa ry'urutugu ushobora guhita ukeka ko ufite cancer y'amagufa.
- Kubira ibyuya nijoro uryamye : Nubwo ibi bishobora kuba ikimenywetso ku ndwara nyinshi igihe nta yindi wumva ukeka, cancer y'amagufa ishobora kuba impamvu.
- Indi mpamvu ishobora kubaiyo kuzana ibimyimba bikakurya mu bitugu.
0 comments:
Post a Comment