Iby'Indwara ya Sinusite

Iyi ndwara ya sinusite itera kwangirika k’umubiri ugaragiye utugufwa tw’izuru tuba mu maso (sinus) tukaba tuna gabanyijemo ibice bine mu maso h’umuntu. Buri kagufwa kakaba gafasha mu kumvikana n’imyobo y’izuru igaragara inyuma (fosse nasales), ari naho hasohokera ibivuyeyo byose nk’ibimyira ndetse na mucus.

Iyi ndwara ivugwa ho kutarobanura kuko ngo ari abana n’abakuze bose bayirwara ku buryo usanga abantu10% kugeza kuri 15% bayirwara n’ubwo bigoye kubagereranya nk’uko byashizwe ahagaragara n’abashakashatsi batandukanye.

Urubuga www.passeportsante.net/fr rutubwira ko uku kwagirika byitwa kandi rhinosinusite, biterwa ahanini n’imyanda cyangwa bagiteri (bacteries) biba byinjiye muri kariya gace, hanyuma wa mubiri ugahita worohera kandi ukanabyimba.

Ibi rero ngo bituma ya myanya ya za sinus zifunga maze na za mucus ntizongere gusohoka neza zijya hanze. Ha hantu hafunze hahita hatuma ya myanda yororoka nta kibazo.

Ibi bigatera iki rero? Ububabare no kumva ubushyuhe bwunshi mu maso, ari na byo bimenyetso bikunze kugaragara ku muntu wa fashwe, biturutse ku kwikusanya kwa za mucus muri twa twobo (sinus).

Iyindwara ifata mu buryo butandukanye kuko hari ifata imyanya y’imbere (sinusite frontale), ifatira hafi n’ishinya (maxillaire,), n’ifata uruhande rumwe (sphénoïdale gauche).

Hari amoko ya sinusite nk’iyo bita Sinusite aiguë itarenza ibyumweru bine kandi ntirenze kugaruka inshuro eshatu mu mwaka. Yi ituma inzira z’ubuhumekero zifatwa n’ibicurane akenshi cyangwa se twa dukoko na two tuba dushobora kuririraho.

Hari n’igihe sinusite iterwa n’ukwandura kw’ikirere, cyangwa amenyo arwaye nayo ahobora gutera ya sinusite yitwa maxilaire.

Indi yo ni iyitwa Sinusite chronique, ivugwa ko yakubase igihe yatangiye kugera ku byumweru hagati ya bine kugeza kuri cumi na bibiri. Iyo udahoze uyivuza sinusite iyariyo yose ngo ishobora kukubata ikaba chronique kuko ikubata iyo umaze igihe kinini urwara iriya yoroheje.

Izindi mpamvu zishobora gutera sinusite harimo kunywa itabi, kuba ufite abasirikare b’umubiri badakomeye, cyangwa se bitewe n’uko byashatse kwizana, gukoresha urumogi ruca mu mazuru, kuba ahantu hari ubutabire bukarishye (produits chimiques), guhungabana mu maso no kuba waragaragaje ibimenyetso ukiri umwana ntuvuzwe.

Ikigaragaza ko wayirwaye ni kubabara mu maso (nko ku izuru, amatama, amaso ndetse nimpande yayo), kubabara cyane mu mazuru n’umutwe, amazuru agafungana, hakanavamo ibimwira bisa umuhondo cyangwa se bikeye bitewe n’uburyo wanduyemo, umuriro ndetse no kudahumurirwa.

Mu kuyirinda rero harimo gukaraba ibiganza buri gihe nk’uko wirinda ibicurane, kwirinda kwiyegereza amatungo cyane, guhora ushakisha icyakurinda umunaniro, kwirinda kunywa ibijyanye n’itabi byose, ndetse ugasanga muganga mu gihe cyose ubona ari ngombwa.

Sinusite ishobora kwanduzwa cyane iyo abantu bakunda kuba hamwe, ni nayo mpamvu isuku ari yo ntwaro yadufasha guhangana n’iyi ndwara usanga ivurwa igakira akenshi bigoye.

Related Posts by Categories