Indwara ya tirikomunasi ni indwara yandurira mu mibonano mpuzabitsina, ikaba iterwa n’agakoko kitwa trichomonas vaginalis. Iyi ndwara ni indwara igaragara ku isi hose ikaba ikunda gufata abagore bari hagati y’imyaka 16 na 35. Iyi ndwara kandi ishobora gufata abagore n’ababagaoa nyamara ku bagabo nta bimenyetso igaragaza kandi akenshi irikiza.
Ibimenyetso byayo ku mugore: Kubabara igihe cy’imibonano mpuzabitsina, kwishimagura mu matako, kuzana ibintu bisohoka mu gitsina bisa n’umuhondo, kwishima mu gitsina ndetse rimwe na rimwe hakabyimba no kuzana umwuka mubi mu gitsina.Ku mugabo: Kubabara nyuma yo kwihagarika cyangwa nyuma yo gusohora. Umugabo na we ashobora kwishimagura ku gitsina ndetse rimwe na rimwe hakagira ibintu bisohoka mu gitsina.
Uburyo bwo kuyivura:
Umuti wa flagyl ni umuti uvura neza iyi ndwara. Ntugomba kunywa inzoga igihe ufata uyu muti kuko bishobora kugutera kubabara mu nda ndetse no kuruka, kandi ugomba na none kumara byibura iminsi ibiri utazinywa nyuma yo kurangiza uyu muti. Iyo indwara ya tirikomunasi ivuwe neza irakira rwose. Ni byiza rero kwegera muganga mu gihe cyose wibonyeho bimwe mu bimenyetso by’iyi ndwara kandi wasanga aro yo urwaye ugakurikiza inama za muganga.
Tubikesha: www.sante1.com
0 comments:
Post a Comment