Salade y’ishu itukura

Dukunze kubona amashu afite ibara ry’umutuku ku isoko ndetse no mu ma supermaket ya hano i kigali. Ishu igira vitamine c rero ni nziza ku buzima ikindi ni uko ibara ryayo ry’umutuku rigaragara neza ku meza.
Igikoresho cya ngombwa mu gutegura iyi shu ni icyuma kinini kandi gityaye cyo kuyikatamo uduce duto.
Uko bakata ishu
Mu gutangira yikatemo kabiri ihagaze. Fata ibice bibiri ubishyire aho uyikatira aho wakatiye uherekeje hasi yifate ukomeje hanyuma utangire uyikate. Katamo uduce duto dushoboka (1mm cyangwa 2)komeza ukate nugera ku giti urekere ushobora kukijugunya.
Umaze gukata ishu, yishyire mu gisorori kinini cyo kuvangiramo wongeremo :
  Igitunguru 1 gitukura gikase mu tuziga duto
  Pomme 1 y’imbuto ikasemo uduce duto twa mpande enye
  Akayiko gato k’isukari
  Utuyiko 2 twa vinaigre ya vino y’umutuku cyangwa vinaigre balsamico
  Ibiyiko 5 by’amavuta ya soya cyangwa tournesol
  Umunyu n’agasenda uko ubishaka
  Bivange neza hanyuma ubisuke mu gisoro cyagenewe salade(saladier) utegure.

Related Posts by Categories