Liberia: Abaturage barishisha urukingo rwa Ebola ruri kubageragerezwaho

by http://www.ubuzima.info
Urukingo rwa Ebola rwatangiye kugeragezwa mu murwa mukuru wa Liberia Monronvia ku wa kabiri. Iryo geragezwa ryabanjirijwe na gahunda y’ibirori yitabiriwe n’abaririmbyi bakomeye ku cyumweru batinyura abaturage bishisha urwo rukingo bakeka ko ari urwo kubatera izindi ndwara, abandi bakumva ko ari intwaro y’ibihugu bikomeye bishaka kubahitana.
Ibiro Ntaramakuru by’Abongereza, AP, bivuga ko urwo rukingo rukozwe mu buryo rufitemo uturemangingo twa Ebola ku nta gakoko ka kahangara umubiri wakingiwe.

Visi-Perezida wa Liberia Joseph Nyumah Boakai yasabye Abanyaliberiya kwemera gukorerwaho igeragezwa kuko urwo rukingo rwizewe. Yagize ati” mugire umwete urukingo ruzakora”
BBC yatangaje ko muri Liberia, kimwe mu bihugu byashegeshwena Ebola, hasigaye abarwayi ba Ebola 6 gusa.
Icyorezo cya Ebola cyibasiye ibihugu byo mu Burengerazuba bwa Afurika kuva mu ntangiriro za 2014, Ishami ry’Umuryango w’Abibumbye ryita ku buzima ryatangaje ko Ebola yahitanye abarenga ibihumbi 8 000.

Related Posts by Categories